जगणं वाचणं - डॉ राजेंद्र मलोसे
राजाविज्या पट्टीचा वाचक असतो. कविता वाचून तो बेभान होतो. तिच्या निर्मितीच्या शोधात चालत निघतो. गती प्रगती जागृती.... डॉ जागृती पाटिल यांना भेटतो. तश्या त्यांच्या भेटी आधीही झालेल्या असतात. वाचनात गुंग असणाऱ्या राजाविज्या ला त्या आठवत नसतात.
ती म्हणाली, तू फक्त वाचत रहा.
तो तिच्याकडे बघत राहिला, त्याला वाटलं ही जगातली सर्वात सुंदर स्त्री आहे.
राजाविज्या च्या बेभान होऊन वाचण्यावर डॉ जागृती भाळतात. त्या कामं करणार, राजाविज्या फक्त वाचणार, त्यांच्यात अलिखित करार होतो. ते एकत्र राहू लागतात. त्या दोघांच्या संवादातून राजाविज्या चा भूतकाळ उलगडत जातो.
जागृती विचारते, तू का इतकं वाचत असतोस?
राजाविज्या म्हणतो "वेळ चांगला जावा म्हणून वाचतो. वाचण्याशिवाय करमत नाही म्हणून वाचतो. बाकीचं सगळं विसरण्यासाठी वाचतो. समाधिस्थ व्हावं म्हणून वाचतो. हे जगणं सुसह्य व्हावं म्हणून वाचतो. माझं मन त्यात रमतं. पुस्तके मला सगळं देतात. ज्ञान, करमणूक, माहिती, कल्पना, सत्य. माझं सगळं दुःख विसरतो मी. माझी सुखाची कल्पना पुस्तके, म्हणून वाचतो. आणि हो ही माझ्या वडिलाची देन आहे. ते खूप वाचायचे, ते आपोआप माझ्यात आलं. ते गेले आणि मी त्यांच्या कपाटातलं आणि या शबनम मधलं वाचायला लागलो."
"तू वाच, तुझं मन रमेल. तू वाच, तुझं मन रमेल. तू वाच, तू वाचशील " राजाविज्या चा बाबा त्याला नेहमी म्हणायचा. तो बाबा अकाली गेला. आई ही सोडून गेली. राजाविज्या आश्रमात जातो. 10 वी पास होतो. नंतर काकाकडे राहायला येतो. काकाची जीव की प्राण असणारी सायकल राजाविज्या कडून हरवते, तो तेथून फरार होतो. भटकत राहतो वाचनालयच्या दारादारातून..... वाचणं सोडत नाही.
वाचत राहतो. वाचन प्रेमामुळे डॉ जागृती भेटते. मुंबई ला जातात. या वाचणप्रेमामुळे BA, MA, Phd होते. फिरदोस मैत्रीण लाभते. अमेरिकेला पुढील शिक्षणाची संधी मिळते.
एकदा फिरदोस विचारते, पुस्तक काय देतं तुला?
राजाविज्या म्हणतो " कसं दडलेले असतं कुणाचं तरी आयुष्य पुस्तकात.... कितीतरी माणसं पुस्तकात..... किती किती जगणं पुस्तकात.... आनंदाचे झरे, मोरपीसांची हळुवार आठवण पुस्तकात. पुस्तकात आगळेवेगळे विचार असतात, भावभावनांचे अविष्कर असतात."
राजाविज्याला आयुष्यात ज्या संधी मिळाल्या त्या मागे त्याचं वाचन होतं.
💡मनातलं
चित्रपट पाहताना आपण logic लावत नाही, विशेषतः एकटा नायक 10-12 जणांना चोपतो तेव्हा. तसंच या कादंबरी बाबत आहे.
बेभान वाचन असणाऱ्या राजाविज्या ला व्यवहार ज्ञान का नसतं?
बुकी मंत्री कसा होतो?
फिरदोस 10-12 मुलं घेऊन अमेरिकेला परत कशी जाते?
भंनंग राजाविज्या ला थेट मंत्रालयात, मंत्र्याच्या दालनात प्रवेश कसा मिळतो?
केंद्र- राज्य पातळीवरील पुढारी इतके उदार, तत्पर कसे?
हे असलं logic नाही लावायचं.
_सिद्धेश्वर
💡पुस्तकातील उतारे
👉🏻एकाच ध्यासाने पछाडलेल्या राजाविज्याला अजून काय पाहिजे? एक छप्पर, दोन वेळा जेवण आणि खूप खूप पुस्तकं. वाचत रहायचं. श्वास घेतो तसं वाचत रहायचं.
👉🏻वेताळा हेच आपलं जग आहे. विश्व आहे. वाचत रहाणं. त्यातच बाकी सगळ दुःख विसरलं जातं. हे कोण काका आहेत ते विसरणं. ते काय बोलतात हे विसरणं. मावशीचं ते सारखं 'आईविना पोर, आईविना पोर' हे विसरणं. वेताळा, कदाचित बाबांना हेच सांगायचं असेल, वाचत राहा. वाचत रहा. जगातल्या सगळ्या त्रासापासून वाचशील. वाचत राहा.
वाचत चल. वाचत, वाचत, वाचत जा.
👉🏻 प्रत्येक गोष्टीबद्दल ज्ञान आवश्यक आहे म्हणून वाच, आपली जिज्ञासा जपलीच पाहिजे.
👉🏻'वाचताना... वाचताना अशीच समाधी लागते. जग विसरायला होतं. आपण कोण आहोत, आपण कुठे आहोत हे विसरतो आपण, किती वेळ गेला, किती युगे गेली, किती जिवंत आहोत आपण, आहोत की नाही आपण, सगळं सगळं विसरतो आपण; पुस्तकांमुळे. बस्स वाचत राहतो.
👉🏻गोलगोल फिरणारी वावटळ. जबरदस्त धुळीची वावटळ... एकात एक एकात एक कितीतरी... काही तरी होतं त्यात.'
'माणसं लिहितात तेव्हा असंच होत असावं त्याचं. सृजन म्हणजे वाचन, वावटळ आणि लिहिणं यांचं मिश्रण असावं.
👉🏻 बापाची लाथ,आईचा आशीर्वाद,मामाचा पैसा
हा मामा म्हणजे सासरा की आईचा भाऊ
" हे ज्याने त्याने ओळखावं "
👉🏻मेरा देश महान, ठेवली अक्कल गहाण
👉🏻बाप लाथ मारी त्याला सासरा मामा तारी
👉🏻जो वाचत राहिला तो या कडू जगण्यापासून वाचेल.""जो वाचत राहिला तो अज्ञानापासून वाचेल."
👉🏻किताबो का भाई क्या कहना
वो तो बेताब होते है
जो उन्हे समज नही पाते
वो जिंदगीभर रोते है.
👉🏻खरं तर पुस्तकं असतात कल्पतरू."
"मागेल ते देणारे. डोळे फिरवले तरी हवा तसा आनंद देणारे"
"अमृतही देतील पुस्तकं?"
👉🏻आम्हांला पोट आहे म्हणून नौकरी करतो नाहीतर हे सगळं वाचन बिचन हे वेड आहे वेड. व्यसन आहे व्यसन. दळभद्री व्यसन.....
👉🏻हा चौकशी पण करणार नाही की आपण बागेत का राहतोय?" वेताळ.
"तो कश्याला करेल. खऱ्या मित्राचं लक्षण आहे ते."
👉🏻Reading transformed the world"
"वाचनाने जगच बदललं."
👉🏻 I CAN WAIT...I CAN FAST.... I CAN READ
"I CAN LOVE"
👉🏻 बुद्धीला हृदयाचे मदतनीस बनवा असा संदेश वाचन देत.
👉🏻"पुस्तकं माणसांसारखी नसतात पण पुस्तकं माणसांशी कसं वागावं हे शिकवतात. पुस्तकं आपला अहंकार जर संपवत नसतील तर मग काय कामाचं हे वाचन?"
👉🏻तारुण्याच्या गुर्मीत, तुम्ही वेळेची उधळमाधळ करता. नंतर तोच काळ तुम्हांला कुरतुडून टाकतो.
👉🏻 आपण चांगले वाचक असाल तर पुस्तकांची काळजी घेतोच घेतो.....जशी आपण स्वतःची काळजी घेतो.
👉🏻 सत्य हे पथहीन असतं. सत्याकडे जाणारा रस्ता नक्की कोणता आहे अजून कोणालाच सापडलं नाही.
👉🏻 फार महत्त्वाचे क्षण आयुष्यात फार कमी येतात.
👌👌
उत्तर द्याहटवा