शोधयात्रा - अरुण साधू "I think everybody should get rich and famous and do everything they ever dreamed of so they can see that it’s not the answer." _ jim carrey मी कोण आहे? या जीवनाचे प्रयोजन काय? हे सर्व कशासाठी? असे प्रश्न काही माणसांना कधीतरी पडतात. अस्वस्थ करतात. काहीजण त्याचा शोध घ्यायचा प्रयत्न करतातं, काहीजण त्यापासून पळ काढतांना अधिक काम, मनोरंजन यात गढून जातात. हे असे प्रश्न पडण्यासाठी किमान आर्थिक स्तर असावा लागतो. कवी नारायण सुर्वे यांनी म्हटल्याप्रमाणे भाकरीचा चंद्र शोधण्यात बहुतांश जणांची हयात जाते. दैनंदिन मूलभूत गरजा पूर्ण होण्यासाठी संघर्ष करावा लागत असेल तर विचार करायला वेळ कुठंय? भौतिक संसाधनाची काहीही कमतरता नसणाऱ्या राजकुमार सिद्धार्थ ला हे प्रश्न पडले होते. विपुल संसाधनं तो सोडू शकला कारण त्याने त्याचा अनुभव, उपभोग घेतला होता, ते म्हणजे सर्वकाही नाही हे जाणलं होत. म्हणून अज्ञाताच्या शोधात तो घर सोडतो आणि गौतम बुद्ध होतो. या प्रश्नांचा शोध घेताना ताण, अस्वस्थता येते. ताण नको, जबाबदारी नको, आधार हवा, एखादा कृती कार्यक्रम हवा...
जगणं वाचणं - डॉ राजेंद्र मलोसे राजाविज्या पट्टीचा वाचक असतो. कविता वाचून तो बेभान होतो. तिच्या निर्मितीच्या शोधात चालत निघतो. गती प्रगती जागृती.... डॉ जागृती पाटिल यांना भेटतो. तश्या त्यांच्या भेटी आधीही झालेल्या असतात. वाचनात गुंग असणाऱ्या राजाविज्या ला त्या आठवत नसतात. ती म्हणाली, तू फक्त वाचत रहा. तो तिच्याकडे बघत राहिला, त्याला वाटलं ही जगातली सर्वात सुंदर स्त्री आहे. राजाविज्या च्या बेभान होऊन वाचण्यावर डॉ जागृती भाळतात. त्या कामं करणार, राजाविज्या फक्त वाचणार, त्यांच्यात अलिखित करार होतो. ते एकत्र राहू लागतात. त्या दोघांच्या संवादातून राजाविज्या चा भूतकाळ उलगडत जातो. जागृती विचारते, तू का इतकं वाचत असतोस? राजाविज्या म्हणतो "वेळ चांगला जावा म्हणून वाचतो. वाचण्याशिवाय करमत नाही म्हणून वाचतो. बाकीचं सगळं विसरण्यासाठी वाचतो. समाधिस्थ व्हावं म्हणून वाचतो. हे जगणं सुसह्य व्हावं म्हणून वाचतो. माझं मन त्यात रमतं. पुस्तके मला सगळं देतात. ज्ञान, करमणूक, माहिती, कल्पना, सत्य. माझं सगळं दुःख विसरतो मी. माझी सुखाची कल्पना पुस्तके, म्हणून वाचतो. आणि हो ही माझ्या ...